 |
Metodoloji nou
Atelye sektoryèl yo
Nan Pòtoprens, rankont yo fèt ak chak sektè separeman. Yo rele yo atelye sektoryèl. Gen 7 sektè tradisyonèlman ki toujou
patisipe. Se :
- sendika yo ak òganizasyon peyizan yo ;
- òganizasyon dwa moun yo ;
- òganizasyon fanm yo ;
- majistra yo (jij, komisè gouvènman) ;
- avoka yo ;
- sektè prive a, sa vle di antreprenè yo ;
- laprès, entelektyèl ak atis yo.
Komite Kòdonatè a, fè yon gwo jefò pou 6zyèm Fowòm nan, li te mete yon atelye anplis pou pèmèt pati politik yo patisipe
tou. Se te yon gwo siksè. Kidonk, prensipal pati politik yo te reponn prezan. Nan rankont sila a, youn te koute lòt, sa montre
kesyon refòm jistis la konsènen tout moun e nou dwe travay pou n gen yon jistis ki efikas epi ki respekte dwa moun.
Diskisyon ki fèt nan atelye yo tankou sa ki fèt nan atelye miltisektoryèl yo soti nan dokiman diskisyon ki prepare pou sa.
Patisipan yo nan moman diskisyon an manifeste volonte yo pou chanje figi lajistis. Konsa, yo fè kontrandi atelye yo epi yo remèt yo bay
Komite Kònatè a answit li fè yon dokiman pwopozisyon.
|
